2007 йилнинг 9 январида Стив Жобс саҳнадан туриб, биринчи iPhone'ни намойиш қилган. Экспертларнинг кўпчилиги ўшанда қурилмани муваффақиятсиз деб атаб, уни ҳеч ким сотиб олмаслигини айтишган. Янги қурилма 29 июнь куни сотувга чиқди. Hi-tech илк iPhone ва экспертларнинг унга доир фикр-мулоҳазалари билан бўлишди.
Таниқли TechCrunch ресурси колумнисти Сэт Поржес ўшанда янгиликка ижобий ёндашмаганди:
"Бизнинг тахминимиз: iPhone портлаб кетади".
Поржеснинг фикрича, маҳсулот максимал даражада ноқулай ишланган. "Экран шишаси синиб кетиши мумкин, клавиатурада хабарларни териш қийин, батарея қуввати узоққа етмайди, дастурий таъминот умуман расво. iPhone'да ҳеч бўлмаганда қўшиқ эшитиш имкони қолдирилгани учун ҳам раҳмат".
Дэвид Платт – дастурлаш бўйича 11 китоб муаллифи ва Ҳарвард университетининг Extension мактабида .NET ўқитувчиси. 2007 йилнинг 21 июнида у iPhone ҳақида шундай ёзган:
"Apple муваффақиятсизликка учраш учун iPhone тақдимотини ўтказади".
Эксперт янги смартфон конструкциясини хато деб атади. Тақдимотда эса Стив Жобс смартфон конструкцияси ҳақида берилиб сўзлади:
Таниқли маркетолог Эл Рис iPhone ишлаб чиқарувчилари гиёҳванд моддаларга доир текширувлардан ўтказилса, синовдан ўтолмасликларини айтиб ҳазиллашган.
"iPhone йирик муваффақиятсизликка учрайди", - деган у.
Бугун у хато қилганини тан олди. Бундан ташқари - эксперт iPhone'ни "муҳандислик ғоясининг мўъжизаси", деб атади.
The Street ва The Wall Street Journal'нинг молиявий мавзулардаги мақолалари муаллифи Бретт Арденс 2007 йилнинг 29 июни - Apple компаниясининг илк смартфонлари сотувига старт берилган кун "iPhone'ни харид қилмаслик учун беш сабаб" сарлавҳаси остида мақола тақдим этган. Мақола аввалида у iPhone қурилмасининг кўринишидан чиройли эканини тан олган бўлса-да, масалага реал кўз билан қарашни таклиф қилган:
