Қўшимча функционаллар
-
Тунги кўриниш
Австралия соғлиқни сақлаш вазири давлат маблағларини ўзлаштиргани сабаб ишдан кетди
Австралия соғлиқни сақлаш вазири Сьюзан Ли давлат маблағларини талон-торож қилгани учун айбловлар фонида истеъфога чиқишга мажбур бўлди. Бу ҳақда ТАСС хабар бермоқда.
Вазир билан боғлиқ можаро Лининг Голд-Кост қимматбаҳо курортига сафарлари туфайли келиб чиқди. Уларга солиқ тўловчиларнинг маблағидан ташкил топган фондлардан харажат қилинган. У шундай сафарларнинг бирида “люкс” тоифасидаги хонани тахминан 800 минг долларга ижарага олган. Амалдорнинг ўзи бундай харид “ўйламасдан” амалга оширилганини тан олган.
"Австралияликлар сиёсатчилар солиқ тўловчиларнинг маблағини керакли соҳаларга тўғри сарфлашини кутишга ҳақли", - дея маълум қилган мамлакат бош вазири Малькольм Тернбулл.
Таъкидланишича, соғлиқни сақлаш вазирининг истеъфоси ҳукуматга 2015 йилнинг сентябрида келган бош вазир маҳкамасидаги илк лавозим ўзгариши бўлди.
Мавзуга оид
21:49 / 12.12.2024
Австралия интернет компанияларни маҳаллий ОАВ контенти учун пул тўлашга мажбур қилади
18:11 / 11.12.2024
Австралиядаги лабораторияда ўлимга олиб келувчи вируслар солинган юзлаб флаконлар йўқолди
00:26 / 11.12.2024
Австралия Tomahawk ракетасини муваффақиятли учирган дунёдаги уч давлатдан бирига айланди
14:31 / 09.12.2024