Халқаро коинот станциясидаги фазогир Instagram’да аккаунт очди

14 январда Халқаро коинот станциясидаги россиялик фазогир Олег Новицкий Instagram’да аккаунт очди ва станцияда олинган суратлар билан бўлишди. У очиқ қоинотга чиққани, нанойўлдошнинг учирилиши, эски Янги йилнинг хорижлик ҳамкасблари билан нишонланиши ва коинотдаги ички муҳит суратлари билан бўлишди. 

@novitskiy_iss деб номланган аккаунтда ҳозирча бор-йўғи 2 мингдан сал кўпроқ обуначи бор. Новицкийнинг ўзи эса НАСА, "Роскосмос" коинот агентликлари ва бошқа фазогирларнинг аккаунтларига обуна бўлган. У, жумладан, Ернинг коинотдан олинган суратларини чоп этиб борувчи Олег Артёмьев аккаунтига ҳам обуна бўлган.