Трамп ўзига қарши намойишларга муносабат билдирди

Фото: RIA

АҚШ президенти Дональд Трамп инаугурациясидан кейин АҚШнинг кўплаб шаҳарларида ўзига қарши ўтган намойишларга твиттерда изоҳ берди.

"Кеча норозиликларни кўрдим, бироқ менда бизда гўёки энди сайловлар ўтгандек ҳис пайдо бўлди! Нима учун бу одамлар овоз бермадилар?", деб ёзди Трамп.

Трамп норозилик акцияларида бир қатор машҳур актёрлар ва қўшиқчилар иштирок этганини назарда тутиб, "машҳурлар ишга путур етказдилар", деб таъкидлаб ўтган.

Трамп "осойишта намойишлар демократиянинг муҳим жиҳати ҳисобланишини" таъкидлаб ўтди. "Мен ҳар доим ҳам рози бўлмасам-да, бироқ одамларнинг ўз фикрларини билдиришлари ҳуқуқларини тан оламан", деб ёзди Трамп.

21 январда Трампга қарши норозиликларга 2 млн гача киши чиққан.