Видео: Остонадаги вокзалда металл соябон қулади

Қозоғистон пойтахти Остона шаҳридаги темир йўл вокзали перронига металл соябон қулаб тушди, деб хабар берди Sputnik Қозоғистон.

"Металл соябон Остонада 25 январь, чоршанба куни поездга қулаган. Ҳозирча ҳодиса оқибатида жабрланганлар ҳақида маълумотлар йўқ", - дейилади хабарда.

Агентлик шунингдек гувоҳлар томонидан тасвирга олинган видеони ҳам тақдим этди. Унда металл конструкциянинг бир қисми ерда ётганини кўриш мумкин. Маълумотларга кўра, воқеа жойига “Қозоғистон темир йўллари” АЖ раҳбарияти етиб келган, улар ҳодисага нима сабаб бўлганини аниқламоқда.