NBC: Трамп ҳафта охирида Путин билан суҳбатлашмоқчи

АҚШ президенти Дональд Трамп россиялик ҳамкасби Владимир Путин билан келаётган дам олиш кунлари телефон орқали мулоқот қилмоқчи, деб маълум қилди твиттерда NBC телеканали мухбири Хелли Жексон.

"Маъмурият хабарига кўра, президент Трамп ва Владимир Путин келаётган дам олиш кунлари телефон орқали суҳбатлашадилар. Бу Трамп инаугурациясидан кейин Путинга илк қўнғироқ бўлади", деб ёзган мухбир.

Путин ва Трамп ўртасида 14 ноябрда, Трамп сайловларда ғолиб бўлгандан кейин телефон орқали мулоқот бўлиб ўтган. Ўша суҳбатда раҳбарлар давлатлари ўртасида муносабатларни йўлга қўйишга келишиб олишган.