Саудия Арабистонида илк марта шамол генератори учун лицензия берилди

Саудия Арабистонининг Saudi Aramco давлат нефть компанияси 2,75 МВт қувватидаги шамол генераторини ишга тушириш учун лицензия олди. Бу ҳақда Саудия Арабистони электроэнергетика ва когенерация бошқармаси хабар қилган.

Бу қиролликда шундай лойиҳага илк марта лицензия берилиши бўлди.

Saudi Aramco мамлакат шимолида General Electric билан ҳамкорликда ушбу лойиҳани ишга туширмоқчи. Қайд этилишича, бу генератор йил давомида 250та уйни электр энергияси билан таъминлай олади (бу шу даврда сарфланадиган 19 минг баррель нефтга муқобил).

2030 йилга қадар қироллик янгиланган энергия манбаларидан фойдаланган ҳолда йилига 9,5 минг МВт электр энергияси ишлаб чиқишни йўлга қўймоқчи.