Эрдўған германиялик журналистни террорчилар жосуси деб атади

Туркия президенти Ражаб Тойиб Эрдўған Туркияда қўлган олинган, келиб чиқишига кўра турк бўлган Германия фуқароси, журналист Дениз Юджелни террорчилар жосуси деб атади. Бу ҳақда Reuters хабар тарқатган.

«Яхшиямки, уни ҳибсга олдик», — деган у.

У ушбу журналист иши Туркиядаги мустақил суд томонидан кўриб чиқилишини маълум қилган.

Дениз Юджел февраль ойида террорчилик фаолиятини олиб боришда гумон қилиниб қўлга олинганди.

Юджелнинг ҳибсга олиниши Анқара ва Берлин муносабатларига совуқчилик туширди. Германия канцлери Ангела Меркель журналистни озодликка чиқаришни сўраган.