Subaru янгиланган Outback универсалини намойиш қилди

Subaru компанияси янгиланган Outback универсалини намойиш қилди. Машинанинг жаҳон премьераси 12 апрелда очиладиган Нью-Йорк моторшоусида бўлиб ўтади.

Моделнинг кузови олд қисмидан бир оз ўзгарган: ўзгача радиатор, тажовузкорроқ бампер ва шамол шовқинини камайтиришга ёрдам берувчи ўзгача кўринишдаги ён ойналар пайдо бўлди. Шунингдек, шовқин изоляциясини яхшилаш учун янги олд ойналар ва йўғонроқ орқа шиналар ўрнатилган.

"Аутбек" учун подвеска модернизация қилинди: янги амортизаторлар ўрнатилган, руль бошқаруви электр кучайтиргичи ва тепкининг босилишига таъсирчанлиги кучайтирилиб тормоз тизими қайта созланди, вариатор ишини шовқинсизроқ қилиш учун унинг занжири алмаштирилди. 

Салонда безак материаллари яхшиланган ва марказий консоль алмаштирилган. Универсал 6,5 ёки 8 дюймли экранга эга янги мультимедиа тизими билан жиҳозланди.

Машинанинг куч қурилмалари 175 от кучига эга 2,5 литрли, 4 цилиндрли ва 256 от кучига эга 3,6 литрли, 6 цилиндрли моторлардан иборат. Иккала двигатель ҳам 7 та "виртуал" узатмали Lineartronic узатмалар қутиси билан жуфтликда ишлайди. 

Outback АҚШда ёзда сотувга чиқарилади.