2017 йил I чорагида ижтимоий ҳимоя ва соғлиқни сақлаш тизимини ривожлантиришга қанча маблағ ажратилди?

2017 йилнинг 15 апрель куни “Тараққиёт стратегияси” марказида 2017 – 2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегияси доирасида амалга ошириладиган лойиҳалар муҳокамаларини ўтказишга хизмат қилувчи “Доимий фаолият юритувчи ишчи майдон”нинг очилиш маросими бўлиб ўтди.

Ижтимоий соҳани ривожлантиришнинг устувор йўналишларида 2017 йилнинг I чораги сарҳисобига кўра амалга оширилган ишлар ҳақида атрофлича тўхталиб ўтилди. 

Жорий йилнинг биринчи чорагида давлат дастури бўйича аҳолини ижтимоий ҳимоя қилиш ва соғлиқни сақлаш тизимини такомиллаштиришга 37,0 млрд. сўм ва 9,2 млн. АҚШ доллари йўналтирилди. Аҳолининг бандлиги ва реал даромадларини босқичма-босқич оширишга эса 3 трлн. 364,2 млрд. сўм йўналтирилди. 

Хизмат кўрсатиш (6482), қишлоқ хўжалиги (4171), саноат соҳасида (6946) 17 599 янги иш ўрни яратилди.