ФҚБнинг собиқ директори разведка бўйича қўмита йиғилишида иштирок этишдан бош тортди

Фото: Reuters

АҚШ президенти томондан ўз лавозимидан бўшатилган, Федерал қидирувлар бюросининг собиқ директори Жеймс Коми АҚШ конгресси сенатидаги разведка бўйича қўмита йиғилишида иштирок этишни истамади ва ёпиқ йиғилишга таклифдан бош тортди.

Бу ҳақда сенатор Ричард Беррга иқтибос келтирган ҳолда Associated Press ахборот агентлиги маълум қилди. Беррнинг айтишича, қўмита кейинги ҳафтада ўтадиган йиғилишда Комини эшитмоқчи эди.

Эслатиб ўтамиз, Дональд Трамп 9 май эрталаб Комини истеъфога чиқарди. ФҚБ директори лавозимини ким эгаллаши ҳозирча номаълум. Ҳозирча бюрони Комининг ўринбосари лавозимини эгаллаган Эндрю Маккабе бошқариб туради.