Бухоро аэропорти МДҲда 5-маротаба энг яхши аэропорт деб топилди
"Бухоро" халқаро аэропорти "МДҲ давлатларидаги йилнинг энг яхши аэропорти" танлови ғолиби бўлди. Эътиборлиси, аэропорт бу юксак унвонга 5-маротаба эришди. Бу ҳақда "Ўзбекистон ҳаво йўллари" миллий авиакомпаниясида маълум қилинди.
Аэропорт "Аэропортни ривожлантиришга қўшилган энг катта ҳисса учун" йўналишида диплом ва кубок билан тақдирланди. Бухоро аэропорти ходимлари 4 марта "МДҲ давлатларининг энг яхши аэропорти", 3 марта "Энг жадал ривожланаётган аэропорт" ва 2 марта "Истиқболли ривожланаётган аэропорт" мукофотини олишган. Танловга МДҲ фуқаролик авиациясининг "Аэропорт" уюшмаси томондан ташкил этилган "Замонавий аэропортлар ва уларни ривожлантиришдаги энг янги тенденциялар" 51-Москва халқаро анжуманида якун ясалди.
Таъкидлаш жоизки, бу анжуман доирасида "Бухоро" аэропорти директори Тоҳир Бахранов МДҲ фуқаролик авиациясининг "Аэропорт" уюшмаси президенти этиб сайланди.
"Бухоро" аэропортида 2011 йилда янги аэровокзал мажмуаси қурилган. Аэропорт 2016 йилда ISO 9001:2015 халқаро мувофиқлик сертификатини олган. Аэропорт "Boeing", А-310/320/321, Ан-124 "Руслан" ва бошқа кўплаб русумлардаги самолётларни қабул қила олади.
Мавзуга оид
20:22 / 09.10.2024
Россияда ўтказилган МДҲ саммитида қатор ҳужжатлар имзоланди
18:54 / 09.10.2024
Имомали Раҳмон МДҲ фаолиятида ўзгаришлар бўлишини эълон қилди
21:49 / 08.10.2024
Мирзиёев МДҲ саммитида кўптомонлама ҳамкорлик барча йўналишларда ривожланганини юқори баҳолади
20:50 / 08.10.2024