Австралиянинг энг хавфли жиноятчиларидан бири полициядан 20 метр масофада яшаган

Австралияда 2014 йилдан бери ҳукуматдан яшириниб юрган энг кўп қидирилувчи жиноятчилардан бири, сўнгги олти ой давомида полиция бўлинмасидан 20 метр масофада яшаган, деб хабар бермоқда Daily Mail.

Нашр маълумотига кўра, 42 ёшли Даррен Риспенга 2014 йилнинг октябрида айблов қўйилгач, 200 минг доллар эвазига вақтинчалик озодликка чиқарилган. Ўша йилнинг декабрида у судда пайдо бўлмади, ҳамда уни ҳибсга олиш учун ордер берилди. Жиноятчи ўтган вақт давомида полициядан турли исмлар ва ташқи қиёфасини доимий тарзда ўзгартириб яшириниб юрган. Охир-оқибат Риспен Нельсон Бэй аҳоли пунктида яшай бошлаган. Шу билан бирга, у билан истиқомат қилган қиз эркак аслида энг ашаддий жиноятчи эканини билмаган ҳам.