Обамеянг учун 60 млн евро. Футболчи А Серияга келиши мумкин

«Милан» Дортмунднинг «Боруссия» клуби билан габонлик ҳужумчи Пьер-Эмерик Обамеянг трансфери борасида музокараларни давом эттирмоқда.

La Gazzetta dello Sport нашрида ёзилишича, итальянлар 27 ёшли бу футболчи трансфери учун 60 миллион евро тўлашга, унинг ўзига эса 8 миллион евро миқдоридаги йиллик маош тайинлашга тайёр. Бу орқали ушбу габонлик ҳужумчи Италия чемпионатидаги энг юқори маош оладиган футболчига айланиши мумкин.

Шу билан бирга ушбу футболчи учун «Челси» ҳам жиддиқ қизиқиш билдирмоқда, лондонликлар жамоаси вазиятни кузатиб бормоқда ва исталган вақтда футболчи учун курашга қўшилиши мумкин.

Аввалига ушбу футболчи «ПСЖ»га 70 миллион евро эвазига ўтиши кутилганди, аммо парижликлар Верратти кетаётгани туфайли ҳужумчи эмас, ярим ҳимоячи олишга қарор қилди.

Якунланган мавсумда габонлик ҳужумчи жамоаси учун барча турнирлар доирасида 46 учрашувда майдонга тушиб, 40 гол урди ва 5 голга узатма берди.

Маълумот учун, Обамеянг 2007 йилда «Бастия»дан «Милан» академиясига ўтган, кўп ўтмасдан профессионал шартнома имзолаган. Аммо у ёшлар жамоасида 5 йил давомида атиги 7 ўйинда майдонга тушиб, 2 гол урган, кейинроқ Франция клубига ижарага берилганди.