Трамп президентлиги давомидаги илк таътилга кетмоқда

АҚШ президенти Дональд Трамп 4 августдан Нью-Жерси штатидаги ўзига тегишли гольф-клубга таътилга жўнайди. Бу ҳақда Associated Press ахборот агентилиги хабар бермоқда.  

Трампнинг таътили 17 кун давом этиши кутилмоқда. Бу таътил у президент бўлгандан кейинги биринчиси бўлади.

Ахборот агентилиги маълумотларига кўра, Трамп таътилда бўлганда Оқ уйнинг ғарбий қисмида 27 йилдан бери алмаштирилмаган ҳолда ишлатиб келинаётган иситиш ва ҳавони совитиш тизими ўзгартирилади.