Жаҳон | 07:45 / 14.08.2017
5626
1 дақиқада ўқилади

Парижда йўловчининг сумкасида топилган бомба бўлаги сабабли вокзал эвакуация қилинди

Фото: twitter.com/hatternick

Парижда хавфсизлик хизмати Шимолий вокзалдан йўловчиларни эвакуация қилди. The Telegraph нашрининг маълум қилишича, бунга йўловчилардан бирининг сумкасида Иккинчи жаҳон уруши вақтларидаги бомбанинг бўлаги топилгани сабаб бўлган.

Вокзалнинг эвакуация қилиниши поездлар жўнатилишида узилишларга ва катта навбатлар юзага келишига олиб келган.

Нашр маълумотларига кўра, хавфсизлик хизмати йўловчининг сумкасида аниқлаган шубҳали буюм бомба бўлаги бўлиб чиққан. 

Evening Standart нашрининг маълум қилишича, йўловчи хавфли буюмни Лондонгача поездда олиб кетмоқчи бўлган. Нашр гувоҳларнинг сўзларига иқтибос келтирган ҳолда полиция шубҳали сумкани портлатганини маълум қилган, бироқ бу маълумотнинг расмий тасдиғи берилмаган.

Шуҳрат Раҳимов
Тайёрлаган Шуҳрат Раҳимов
Kun.uz янгиликларини Google News'да кузатинг
+ Обуна бўлиш

Мавзуга оид