Парижда «ПСЖ» фанатлари тартибсизлик келтириб чиқарди – фотолар

ЕЧЛдаги ғалабани нишонлаш чоғида кўчаларда машиналар ёқиб юборилган, полициячилар билан тўқнашувлар рўй берган ва юзлаб фанатлар қўлга олинган.

30 май куни Франциянинг «ПСЖ» клуби финалда Лондоннинг «Арсенал» клубини пеналтилар сериясида мағлуб этиб, қаторасига иккинчи бор Чемпионлар лигасида ғолиб чиқди. Будапештда бўлиб ўтган ўйиндан кейин «ПСЖ»нинг минглаб фанатлари Париж ва Франциянинг бошқа шаҳарларида кўчаларга чиқиб, ғалабани нишонлашди. Фанатлар ва полициячилар ўртасида тўқнашувлар бўлиб ўтган. 31 май куни тонгида мамлакат ички ишлар вазирлиги безорилардан 416 нафари қўлга олингани, бу ҳолатларнинг аксари (283) Парижга тўғри келиши ҳақида маълумот берди. Мухлислар мушак ва сигналли ракеталар отишган, полициячилар эса оломонни тарқатиш учун кўздан ёш оқизувчи газ қўллаган. Тўқнашувлар оқибатида етти нафар полициячи жабрланган. Автомобиллар ва велосипедларга ўт қўйилган. Қуйида «ПСЖ» ғалабасидан кейин Парижда нималар бўлгани акс этган суратлар.