Коллеж ўқувчиси машинани бошқариб, учта автомобиль билан тўқнашув содир этди
2017 йил 24 сентябрь куни соат 12:00ларда, “А.Темур” шоҳкўчаси 65-уй қаршисида, 2001 йилда туғилган, коллеж ўқувчиси ҳайдовчилик гувоҳномаси ва тегишли ҳужжатларсиз, “Лада-110” русумли автоуловни бошқариб, “Кобальт”, “ВАЗ-21013” ва “Матиз” русумли автоуловлар билан тўқнашув содир этган. Бу ҳақда Тошкент ИИББ хабар берди.
Ҳодиса натижасида “Лада-110” автоулов ҳайдовчисига “бош мия ёпиқ жароҳати, бош мия чайқалиши” ташхиси билан 7-ШКШда тиббий ёрдам кўрсатилди. “ВАЗ-21013” автоулов йўловчиси бўлган 1973 йилда туғилган аёл киши эса олинган жароҳатлар билан 7-ШКШга мурожаат этган.
Мазкур ҳолат юзасидан Тошкент шаҳар ИИББ ЙҲХБнинг ҳуқуқбузарликлар билан курашиш бўлими томонидан Ўзбекистон Республикаси маъмурий жавобгарлик тўғрисидаги кодексининг 133-моддаси (Транспорт воситалари ҳайдовчиларининг йўл ҳаракати қоидаларини бузиши жабрланувчига енгил тан жароҳати ёки анча миқдорда моддий зарар етказилишига олиб келиши) аломатлари билан маъмурий иш қўзғатилган.
Мавзуга оид
14:04 / 22.09.2024
Тошкентда катта тезликда ҳаракатланган ҳайдовчи 19 ёшли қизнинг ҳаётига зомин бўлди
07:30 / 21.09.2024
Тошкентда машинасини сотишни айтиб, ўзганинг пулини ўзлаштирган шахс ушланди
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024