Путин ва Эрдўған ўртасидаги учрашув 1,5 соатдан кўпроқ давом этди
Россия ва Туркия президентлари Владимир Путин ва Ражаб Тоййиб Эрдўған ўртасидаги музокаралар 1,5 соатдан кўпроқ давом этди, деб хабар бермоқда РИА “Новости” ахборот агентлиги.
Учрашув Тошкент вақти билан соат 21.10да Эрдўған қароргоҳида бошланган. Эрдўған Путинни автомобили ёнида кутиб олган. Сўнгра икки етакчи қароргоҳга йўл олишган.
Айни вақтда музокаралар кенгайтирилган тартибда давом этмоқда.
Аввалроқ маълум қилингандек, учрашувда Суриядаги вазият, Ироқ Курдистонининг мустақиллиги бўйича референдуми натижалари, "Турк оқими" ва "Аккую" лойиҳаларининг амалга оширилиши аҳволи ва икки томонлама кун тартибининг қолган масалалари муҳокама қилиниши режалаштирилганди.
Таъкидланишича, бу учрашув Путин ва Эрдўғаннинг жорий йилдаги 5-учрашувидир. Март ва май ойларида Эрдўған Россияга келганди. Кейинроқ май ойида икки етакчи Пекинда "Бир камар, бир йўл" форуми ҳамда июлда Гамбургдаги G20 саммити доирасида учрашишган.
Мавзуга оид
10:10 / 12.10.2024
Бербок: Путин Украина масаласини Шолц билан муҳокама қилишдан бош тортди
21:13 / 11.10.2024
НАТОнинг янги бош котиби иттифоқчиларни Путиннинг ядровий таҳдидларига эътибор қаратмасликка чақирди
16:10 / 11.10.2024
Путин Гуржистон фуқаролари учун визасиз режимни кенгайтирди
15:10 / 09.10.2024