Кот-д’Ивуар соҳиллари яқинида Украина самолёти ҳалокатга учради

Украина авиакомпаниясининг Ан-26 юк самолёти Кот-д’Ивуар пойтахти Абиджан аэропорти яқинида Атлантика океани устида ҳалокатга учради. Таъкидланишича, самолёт Буркина-Фасодан учиб келаётган бўлган. Самолёт бир неча қисмга бўлиниб кетган, унинг бир неча бўлаги тўлқин билан қирғоққа чиқариб ташланган. 

Reuters ахборот агентлиги маълумотларига кўра, самолёт маҳаллий вақт билан соат 8.30ларда аэропорт яқинида океанга қулаган. 

Маълум қилинишича, фалокат оқибатида 4 киши ҳалок бўлган ва 6 киши жароҳат олган. Барча қурбонлар Молдова фуқаролари бўлган, жароҳатланганлар орасида 4 нафар француз ҳарбийси ҳам бор.

Фожиага самолётнинг меъёридан ортиқ юклангани сабаб бўлгани тахмин қилинмоқда. Самолёт француз ҳарбийларига анжомлар етказиб бераётган бўлган.