Кремль: Путин ўз номзодини қўйиши ҳақида ҳозирча индамади

Россия президенти матбуот котиби Дмитрий Песковнинг маълум қилишича, давлат раҳбари Владимир Путиннинг 2018 йилги Россия президентлиги учун сайловлардаги рақиблари ҳақида гапиришга ҳали эрта. Бу ҳақда РИА «Новости» хабар бермоқда.

«Ҳозирча, биз яхши биламизки, сайлов кампанияси бошланмади, рўйхатдан ўтган ҳеч қандай номзодлар ҳам йўқ, Путиннинг рақиблари ҳақида гапиришга ҳали эрта, сабаби Путиннинг ўзи номзодини қўйиши ҳақида ҳозирча ҳеч нарса демади, ва айнан сайлов кампаниясига ҳали вақт борлиги ҳақида сўзлаганди», - дея айтиб ўтди у.

Песковнинг сўзларига кўра, Путин айни дамда бор эътиборини президентлик ишига қаратишни маъқул кўрмоқда.

Аввалроқ Ксения Собчак 2018 йилдаги президентлик сайловларида қатнашишини маълум қилганди.