Kreml: Putin o‘z nomzodini qo‘yishi haqida hozircha indamadi

Rossiya prezidenti matbuot kotibi Dmitriy Peskovning ma'lum qilishicha, davlat rahbari Vladimir Putinning 2018 yilgi Rossiya prezidentligi uchun saylovlardagi raqiblari haqida gapirishga hali erta. Bu haqda RIA «Novosti» xabar bermoqda.

«Hozircha, biz yaxshi bilamizki, saylov kampaniyasi boshlanmadi, ro‘yxatdan o‘tgan hech qanday nomzodlar ham yo‘q, Putinning raqiblari haqida gapirishga hali erta, sababi Putinning o‘zi nomzodini qo‘yishi haqida hozircha hech narsa demadi, va aynan saylov kampaniyasiga hali vaqt borligi haqida so‘zlagandi», - deya aytib o‘tdi u.

Peskovning so‘zlariga ko‘ra, Putin ayni damda bor e'tiborini prezidentlik ishiga qaratishni ma'qul ko‘rmoqda.

Avvalroq Kseniya Sobchak 2018 yildagi prezidentlik saylovlarida qatnashishini ma'lum qilgandi.