Samsung Galaxy X мослашувчан экранли тахлама смартфон бўлади

Samsung компанияси тахтлама смартфон устида ишламоқда ва 2018 йил давомида уни чекланган миқдорда ишлаб чиқаришга ҳаракат қилмоқда. Ижтимоий тармоқларда Galaxy X атрофидаги вазиятга изоҳ берувчи янги патент буюртма тарқалди. Маълум бўлишича, бу - 90-йилларнинг эски-қадрдон тахтламаси, фақат унинг экрани - мослашувчан. Hi-Tech шу ҳақида маълум қилди. 

Афсуски, тармоқда пайдо бўлган схематик тасвирлар қурилманинг фақат орқа томонини акс эттирган. Бироқ тахминларга кўра, у иккига ажралувчи 18:9 ўлчамли ягона "узун" экранга эга бўлади.

Экраннинг икки асосий элементи орасидаги шарнир механизм смартфон очилганда битта узун экранга айлантириш мумкин бўлган мураккаб технология бўлиши мумкин. Бу компанияга Galaxy X'ни ҳақиқатда катта экранли қилиб ишлаш имконини беради, шуниси диққатга сазоворки, қурилма чўнтакда у қадар кўп жой олмайди. 

Шу билан бирга, бундан аввал Galaxy X дизайни китобга ўхшаш бўлади деган гап-сўзлар ҳам оралаганди. Бироқ бу Samsung Galaxy X'нинг якуний дизайни бўладими ёки йўқ - ҳозирча номаълум. Биз кўплаб турли вариантларни кўрдик ва ҳозирча ишлаб чиқарувчи уларнинг қай бирини танлаши номаълум. 

Бир йилча илгари Samsung мобил бўлимининг президенти Жонжин Ко Galaxy X ишлаб чиқариш жараёнида эканини тасдиқлаганди. Компания дастлаб фақат Жанубий Корея аҳолиси учун чекланган миқдордаги смартфонларни ишлаб чиқариши кутилмоқда.