Тиллерсон конгрессдан ҳарбий кучни бутун дунё бўйлаб қўллашга рухсат беришни сўради

АҚШ давлат котиби Рекс Тиллерсон конгрессни АҚШ маъмуриятига террорчиларга қарши кучни ҳеч қандай географик чегаралар билан чекланмаган ҳолда қўллаш имконини беришга чақирди.

"Ҳарбий кучни қўллаш учун янги рухсат географик нуқтаи назардан чекланмаслиги керак. Амалдаги рухсат каби, маъмуриятга чегараларни ҳурмат қилмайдиган ва уларга амал қилишда ўзини чекламайдиган душманга қарши ҳарбий кучни қўллаш учун албатта рухсат лозим бўлади", деб айтган Тиллерсон сенатдаги йиғилишда. Шу билан бирга, унинг айтишича, маъмурият 2001 йилда 11 сентябрдаги терактлардан кейин ва 2002 йилда Ироқ уруши арафасида берилган амалдаги рухсатлар бекор қилинишига қарши.    

Йиғилишда шундай фикрни АҚШ мудофаа вазири Жеймс Мэттис ҳам айтиб ўтган.

АҚШ президентлари ҳарбий кучни қўллашга рухсат олиш учун вақти-вақти билан конгрессга мурожаат қилиб турадилар, бироқ амалиётнинг кўрсатишича, уларга бу рухсат унчалик ҳам шарт эмас.