Москваликлар iPhone X сотувларидан уч кун олдин навбатга тура бошлашди
Москваликлар совуқ об-ҳавога қарамасдан, расмий сотувлардан уч кун аввал iPhone X'га навбатга туришни бошлашди. РИА "Новости" re:Store ритейлери вакили Людмила Семушинанинг маълумотларига асосланиб, шу ҳақида хабар берди.
"Сешанба куни ташкиллаштирилган навбат рўйхатига қараб баҳо берадиган бўлсак, кеча у ерда турганлар сони 267 нафарни ташкил қилганди", - дейди Семушина.
"Бу биринчи шундай ҳолатдир. Одатда бир кун қолганда тахминан 50 киши навбат пойларди, очилишидан олдин эса одам шу даражада кўпаярди", - дея таъкидлади агентлик суҳбатдоши.
Apple мухлисларининг ижтимоий тармоқлардаги хабарларига кўра, навбат пойлаётган одамларнинг баъзилари ўз ўрнини 50-60 минг рублга сотиб, бундан пул ишлаб олмоқчи.
Apple корпорацияси 12 сентябрь куни янги авлод смартфонларини, хусусан iPhone Х'ни намойиш қилди. Шиша панель ва гардишсиз дисплейга эга қурилма икки рангда тақдим этилган - кумушранг ва "кулранг коинот". У A11 Bionic процессори билан жиҳозланган ва тўлдирилган реаллик технологияларини қўллаб-қувватлайди. Россияда iPhone Х смартфонининг минимал қиймати 79 990 рублга баҳоланмоқда.
Гаджетларнинг РФдаги сотувларига 3 ноябрь куни старт берилади.
Мавзуга оид
12:12 / 28.09.2024
Москвада 72 ёшли америкалик ёлланма фаолият учун судланмоқда
20:08 / 25.09.2024
Тошкент – Москва йўналишида йўловчи поездлар қатнови қайта тикланди
18:35 / 17.09.2024
Москва областида 2025 йилдан бошлаб мигрантлар меҳнати чекланиши мумкин
21:00 / 16.09.2024