iPhone X камераси видео олиш учун мўлжалланган Panasonic GH5 фотокамераси билан таққосланди. Смартфон бу “беллашувда” баъзи жиҳатлар бўйича ортда қолганига қарамай, ўзини муносиб кўрсатди.
iPhone X 12 Мп ли иккита камера билан жиҳозланган. Иккинчи камера узун фокусли объектив билан бирга ишлайди, бунинг эвазига уни суратни оптик катталаштириш учун қўллаш мумкин. Биринчи марта iPhone моделлари орасида иккала камера ҳам оптик барқарорлаштириш тизими билан таъминланди, бу айниқса видео олишда асқотади. Янги смартфон шунингдек 4К сифатда сониясига 60 та кадр билан суратга олишга “ўргатилди”.
Ушбу янги имкониятлар унда олинган сурат сифатини профессионал камераники билан таққослашга кучли ундов бўлди. YouTube’даги Fstoppers канали муаллифлари бу мақсадда 20 Мп ли объектив, оптик барқарорлаштиргич ва видео олишда катта имкониятларга эга Panasonic GH5 камерасини олишди.
iPhone X қоронғида суратга олишда профессионал камерага ютқазди. GH5 камераси смартфонга нисбатан мегапиксели кўпроқ матрицага эга. Матрица қанчалик катта бўлса, у шунчалик кўпроқ ёруғлик қабул қилади. Бундан сурат очроқ чиқади ва унда камроқ “шовқинлар” бўлади, шунинг учун профессионал камерада юқори ISO’ни ўрнатиш зарур эмас.
Чапда – iPhone X, ўнгда — GH5
iPhone X суратни катталаштиришдаги деталлаштиришда ҳам “бўшлиги” маълум бўлди. Смартфоннинг оптик катталаштиргичи икки карра катталаштириш билан чекланади, сўнгра эса дастурий ишлов бериш қўлланади. Камера эса суратни катталаштиришда объективнинг фокус масофаси билан чекланади. Смартфон, шунингдек, барқарорлаштириш тизими борасида ҳам ютқазган.
Катталаштириш билан суратга олиш натижаси.
iPhone X ёруғланиш яхши бўлганда яхши натижа намойиш қилиши аниқланди. Смартфон айниқса ёрқин манзараларни, яъни суратга олинаётган объект ортида ёрқин нурланиш бўлганда яхши натижа бериши маълум бўлди.
Қуйида қурилмаларнинг суратга олиш сифатини таққослаш учун кўпроқ суратлар келтирди.
