10 ноябрдан бошлаб Филиппин пойтахти Манилада Жануби-Шарқий Осиё давлатлари ассоциацияси (АСЕАН) саммити бўлиб ўтмоқда. Бу саммитда шунингдек Россия бош вазири Дмитрий Медведев ҳам иштирок этмоқда.
13 ноябрда АСЕАНга кирувчи давлатлар раҳбарлари анъанавий жамоавий суратга тушишди. АСЕАН анъанасига кўра, бирдамликни намойиш қилиш мақсадида раҳбарлар қўлларини чалиштирганча бир-бирларини қўлларини ушлаб, гўёки бир занжирни ҳосил қилгандек суратга тушишади. Бироқ Медведев бунинг уддасидан чиқолмай, қўлларини кенг ёйганча суратга тушди.
Эътиборлиси, 2010 йил октябрда ўтган АСЕАН — Россия саммитида ўша кезларда президент бўлган Медведев худди шундай тарзда қолганлардан “ажралиб” суратга тушганди.
Бундай “ўзгачаликни” ҳаттоки Владимир Путин ҳам ўзига ижозат бермаганди. У илк АСЕАН–Россия саммитида ҳамма қатори қўлларини чалиштирганча суратга тушган.
2016 йилда Сочида ўтган АСЕАН-Россия саммитида Россия мудофаа вазири Сергей Шойгу АСЕАН бўйича ҳамкасблари билан биргаликдаги суратда бу вазифани уддалай олганди. Бироқ Путин иштирокидаги фотосессияда бундай сурат олинмаган.
