Шимолий кореялик спортчилар Олимпиадада иштирок этишмайди

Бирорта шимолий кореялик спортчи Жанубий Кореянинг Пхёнчханида ўтадиган Олимпиадада иштирок этмайди. Шимолий Кореядан Олимпиадада иштирок этиш ҳуқуқини қўлган киритган фигурали учувчилар Ем Тхэ Ок ва Ким Ю Сик Олимпиада иштирокчилари рўйхатидан белгиланган муддатда ўтмаганлар.  

Яна бир неча шимолий кореялик спортчи Олимпиадага бориши мумкин эди, бироқ саралаш мусобақаларини ўтказиб юборганлар. Айни вақтда Олимпиадада иштирок этувчи спортчилар орасида бирорта шимолий кореялик йўқ.  

Бироқ Халқаро Олимпия қўмитаси шимолий кореялик спортчиларга Олимпиадада иштирок этишлари учун махсус таклифнома тақдим қилиши мумкин. ХОҚ Шимолий Корея терма жамоасининг Олимпиадада иштирок этиши билан боғлиқ барча сарф-харажатларни ўз зиммасига олишга ҳам тайёр.

Аввалроқ Шимолий Кореядаги диктатурани ўрганган япониялик олимлар,  Ким Чен Ин бошчилигидаги давлат ўз спортчиларига қандай муносабатда бўлишини аниқлаганлари маълум қилинган. Тадқиқотчиларнинг аниқлашича, Шимолий Кореяда ғолиблар яхши совғалар ва имтиёзлар олишлари, бироқ ютқазган спортчилар ҳаттоки ҳаётларидан маҳрум этилишлари мумкин.  

“Ким Олимпиадада унинг кўз ўнгида ютқазган барча спортчиларни жазолайди. Уларнинг турмуши оғирлашади, ёмон спортчилар кўмир конларига мажбурий ишларга жўнатиладилар”, деб айтилган японияликлар ҳисоботида.

Мисол учун, 2010 йилги футбол бўйича жаҳон чемпионатида Шимолий Корея терма жамоаси Португалияга 0:7 ҳисобида ютқазгандан кейин барча шимоллик футболчилар жазо тариқасида 2 йилга кўмир конига жўнатилганлар.