Украина бош прокурори ФҚБни айблаб чиқди

Фото: unian.net

Украина бош прокурори Юрий Луценконинг маълум қилишича, мамлакат коррупцияга қарши миллий бюросининг АҚШ ФҚБ билан ҳамкорлиги ноқонуний бўлган. Бу ҳақда УНИАН хабар бермоқда.

Аввалроқ Украина коррупцияга қарши миллий бюроси раҳбари Артём Ситник ўзининг маҳкамаси ФҚБ билан Украина миграция хизматидаги коррупция ва қаҳрабони ноқонуний равишда қазиб олиш иши бўйича ўтказилган суриштирув доирасида ҳамкорлик қилганини айтиб ўтганди.

«Агарда у бу ҳақда маълум қилган бўлса, умуман шундай савол пайдо бўлади - «ким хорижий махсус хизматининг Украина ҳудудидаги амалиётига рухсат берди». Қўшма амалиёт, у айтаётганидек, тегишли жараёнларсиз ноқонуний саналади», - дея айтиб ўтди Луценко.

Шунингдек унинг маълум қилишича, «Ситникнинг ўзидаги анча катта муаммоларни яшириш хоҳишини жуда яхши тушунади».

#АҚШ #Украина