Путин Россиядаги допингга алоқадорми? 

Халқаро олимпия қўмитасининг Россиядаги допинг тизимини суриштирувдан ўтказиш бўйича комиссияси раҳбари Самуэль Шмид нима учун унинг комиссияси Россия президенти Владимир Путин билан боғланишга уринмаганини айтиб ўтди.

«Агарда биз у ҳам аралашган, деган фикрдан келиб чиқиб иш тутганимизда, у билан гаплашишга ҳаракат қилган бўлардик. Ҳисоботда Путин рўй бераётган ҳолат ҳақида билгани ёки билмагани бўйича ҳолатни аниқлай олмаганимизга юз фоизлик даражада риоя этганмиз», - дея Шмиднинг сўзларини келтиради Watson.

МОҚ Россия Олимпия қўмитасини дисквалификация қилди, бунинг натижасида россияликлар 2018 йилги Ўйинларда фақат нейтрал байроқ остида иштирок этишлари мумкин. 

Эслатиб ўтамиз, аввалроқ Жанубий Кореянинг Пёнгчангида 2018 йили бўлиб ўтадиган қишки Олимпия ўйинлари ташкилий қўмитаси россиялик спортчиларга пул грантларини ажратиши, бу уларнинг мусобақаларда иштирок этишини таъминлаш учун кераклиги хабар қилинганди.