КХДРдагилар Трампни «телба»га чиқаришди

Фото: KCNA/Reuters

Шимолий Корея ҳукумати АҚШ президенти Дональд Трампни унинг Ал-Қудс (Қуддус) масаласидаги қарори учун танқид қилди ва уни «телба» деб атади. Бу ҳақда Корея марказий телеграф агентлиги томонидан эълон қилинган баёнотга асосланиб, Ёнҳап агентлиги хабар тарқатди.

КХДР Ташқи ишлар вазирининг маълум қилишича, Трампнинг Қуддусни Исроил пойтахти деб эълон қилиши ва Қўшма Штатлар элчихонасини кўчириш ҳақидаги қарори «халқаро ҳамжамиятни очиқ тан олмаслик ва ҳақоратлашдан бўлак нарса эмас».

«БМТ минбарида Шимолий Корея буткул вайрон этилиши ҳақида вайсаган Трамп мантиқдан мосуво телба ҳисобланади, шу сабабли мазкур қарорда ажабланарли ҳеч нарса йўқ», деган у.

Тайёрлаган Азиз Қаршиев

#Дональд Трамп #КХДР #Ал-Қудс

6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.