Икки қадрдон дўст 60 йилдан кейин ака-ука эканликларини билишди

Ҳавайининг Оаху оролида яшовчи ва мактабдан бери бир-бирлари билан дўст тутинган Алан Робинсон ва Уолтер Макфарлейн яқинда ака-ука эканликларидан хабар топишди. Дўстларни қариндошлик ришталари боғлаб туриши эркаклар қариндошларини топиш мақсадида ДНКни таҳлил қилиш ва таққослаш хизматига мурожаат қилганларидан кейин аниқланди.  

Уолтер ўз отаси кимлигини билмаган, Алан эса боқиб олинган, шу сабабли улар қариндошларини топишни орзу қилиб яшашган.

Эркаклар ўртасида дўстлик алоқалари дарҳол ўрнатилган. Уолтернинг айтишича, унинг укаси ундан кўра қувноқроқ бўлган, кўнгилхушликларни яхши кўрган. Бироқ турфа характерли эркакларда криббеж деб номланган қарта ўйини сабабли умумий қизиқиш пайдо бўлган.

Уолтернинг айтишича, унинг укаси бўлган, бироқ у 19 ёшида вафот этган. У оиласи ёрдамида интернет ва ижтимоий тармоқлар орқали бошқа қариндошларини топишга ҳаракат қилган, бироқ бу натижа бермаган.

Шунда Уолтер ДНКларни таққослаш хизматига мурожаат қилган. Унинг ДНКси хизмат сайтида robi737 номи билан рўйхатга олинган фойдаланувчининг ДНКси билан энг кўп даражада мос келган. Аниқланишича, бу фойдаланувчи Алан бўлиб чиққан. 

Бир нечта қўнғироқлардан кейин улар бир онанинг фарзандлари эканликлари аниқланган. Шунча йил ака-укаликларидан бехабар бўлган қадрдон дўстлар бу янгиликни маълум қилиш учун яқинларини тўплашган. Эндиликда ака-ука бирга янада кўпроқ вақт ўтказмоқчи.