“Тошкент-Чирчиқ-Чимён” йўли кўчки сабабли ёпиб қўйилди

“Тошкент-Чирчиқ-Чимён” трассасининг 69-километрида йўлнинг қатнов қисмига шикаст етказган кўчки содир бўлди. Бу йўл бўйлаб ҳаракат таъмирлаш ишлари якунлангунга қадар тўхтатилди.

Бу ҳақда 30 декабрда Ўзбекистон Фавқулодда вазиятлар вазирлиги матбуот хизматига иқтибос келтирган ҳолда маълум қилинди.

Ҳайдовчилар учун эски айланма йўл очиқ бўлади. Бироқ бу йўл хавфсизлик талабларига жавоб бермагани сабабли, об-ҳаво шароити кескин ўзгарганда авариявий ҳолатлар юзага келиши мумкин.

Шу сабабли 4Р 6 трассаси очилмагунча Чимёнга автобус ва микроавтобусларда бориш тақиқланади.