Қуръон мусобақасининг Тошкент шаҳри босқичлари бўйича маълумот берилди

2018 йилнинг биринчи ярмида Ўзбекистонда 18 ёшдан – 40 ёшгача (туғилган йили – 1978й. дан – 2000й. гача) бўлганлар иштирок этиши мумкин бўлган 3 босқичдаги Қуръон мусобақаси ўтказилади. 

Ўзбекистон Мусулмонлар идораси Тошкент шаҳар вакиллиги матбуот хизмати сайтида маълум қилинишича, қорилар мусобақасида Қуръони карим қироати бўйича иқтидори бўлган 18-40 ёшдаги барча эркагу аёл иштирок этиши мумкин.

Мусобақа икки йўналиш бўйича олиб борилади: ҳифз ва тиловат. Ҳифз йўналишида Қуръони каримни тўла ёд олган қори ва қориялар, тиловат йўналишида эса Қуръонни гўзал тарзда тиловат қила оладиган фуқаролар иштирок этади.

Иштирокчилар ёшга кўра иккига тақсимланади:
18‒25 ёшдаги иштирокчилар;
25‒40 ёшдаги иштирокчилар.

Тошкент шаҳри бўйича иштирокчиларни рўйхатга 2018 йилнинг 4 январидан бошлаб 13 январигача соат 10-00дан 19-00гача “Минор” жоме масжидида амалга оширилади (масъул: Муроджон Кабиров Тел.: +998712351733, +998974206264, +998949320022).

Иштирокчилардан талаб этиладиган ҳужжатлар:

1. Тошкент шаҳрида мусобақада иштирок этмоқчи бўлган фуқаролар Тошкент шаҳрида доимий пропискада бўлишлари шарт;
2. Паспорт нусхаси;
3. Сурат 4 дона (3.5*4.5 шаклда, оқ фонда).

Биринчи босқич - туман босқичи ғолиблари шаҳар босқичида қатнашиш ҳуқуқига эга бўлади. Шаҳарда биринчиликни қўлга киритганлар республика босқичига йўлланма олади.

Мусобақа биринчи босқичининг ўтказилиш жойлари кейинроқ эълон қилинади.