Қонунчилик палатасида Экологик ҳаракат вакиллари учун белгиланган квота бекор қилинади

Ўзбекистон сиёсий саҳнасида соғлом рақобат таъминланади. Бу борадаги тегишли қонун лойиҳаси 2018 йил 1 августга қадар ишлаб чиқилади, дейилади «Фаол тадбиркорлик, инновацион ғоялар ва технологияларни қўллаб-қувватлаш йили» давлат дастури лойиҳасида.

Ушбу қонун лойиҳасини ишлаб чиқишга Олий Мажлис Қонунчилик палатаси (келишув асосида), Марказий сайлов комиссияси, Адлия вазирлиги, АҚҲМИ, Ўзбекистон Экологик ҳаракати масъул этиб белгиланди.

Таъкидланишича, Ўзбекистон Республикасининг ушбу қонуни лойиҳасида Олий Мажлис Қонунчилик палатасидан Ўзбекистон Экологик ҳаракати вакиллари учун белгиланган квотани бекор қилиш назарда тутилади.