Колумбияда қурилаётган кўприк қулаши оқибатида 10 киши ҳалок бўлди

Колумбияда камида 10 киши қурилаётган кўприк қулаши оқибатида ҳалок бўлди. Бу ҳақда CNN хабар бермоқда. 

Фожиа Кундинамарка ва Мета вилоятлари чегарасида юз берган. Кўприк Боготадан Вильявисенсиогача олиб борувчи шоссенинг бир қисми сифатида қурилаётган эди.

Ҳалок бўлганлар ва жароҳатланганларнинг барчаси қурувчилар бўлган. Воқеа жойида қутқарув ишлари олиб борилмоқда. Уюмлар остида одамлар бўлиши мумкин.

Айни вақтда кўприк қулашига нима сабаб бўлгани номаълумлигича қолмоқда.