Фаластин Исроил билан келишмагунча кўмак олмайди – Трамп

Фаластин, Дональд Трамп, молиявий ёрдам

АҚШ Фаластин раҳбарияти Исроил билан тинчлик хусусида келишиб олмагунча, бу мухториятга молиявий кўмак бермайди. Бу ҳақда 25 январда АҚШ президенти Дональд Трамп Давосдаги жаҳон иқтисодий форумида Исроил бош вазири Биньямин Нетаньяху билан учрашувда айтиб ўтди.

“Биз фаластинликларга юзлаб миллион долларлар берамиз. Улар бир ҳафта олдин вице-президентимизга Фаластинга боришга ижозат бермай, бизга ҳурматсизлик қилдилар. Улар тинчлик бўйича келишиб олмагунларигача бу пулларни олмайдилар. Исроил тинчлик истамоқда”, деб айтган Трамп.