Халқаро олимпия қўмитаси президенти Умид Аҳмаджоновни табриклади

Халқаро олимпия қўмитаси президенти Томас Бах Умид Аҳмаджонов Ўзбекистон Миллий олимпия қўмитасига президент этиб сайлангани муносабати билан табрик мактубини йўллади. Бу ҳақда МОҚ расмий сайти хабар тарқатди.

«Ҳурматли президент, 2018 йилнинг 16 январь куни Ўзбекистон Миллий олимпия қўмитасига президент этиб сайланганингиз муносабати билан Халқаро Олимпия Қўмитаси номидан энг самимий тилакларимни изҳор қилишга ижозат бергайсиз. 

Тўрт йиллик муддат сиз учун муваффақиятли ва омадли келишига тилакдошман. Халқаро олимпия қўмитаси Ўзбекистон Миллий олимпия қўмитаси билан самарали ва ўзаро манфаатли ҳамкорлик давом этишига ишонади ва бунинг учун сиз раҳбар этиб сайланган МОҚ олдига қўйилган вазифалар бажарилишида, унинг кундалик фаолиятида сизнинг ихтиёрингизда бўлади» дейилади ХОҚ президенти табрикномасида.