Los Angeles Times газетаси 500 млн долларга сотилаётгани эълон қилинди

АҚШнинг Tronc Inc. компанияси Los Angeles Times ва The San Diego Union-Tribune газеталарининг сотилиши бўйича 500 млн долларлик якуний келишувга эришилганини эълон қилган. Харидор бўлган Патрик Хуан Синьсян компания ходимлари олдида 90 млн долларлик пенсия мажбуриятларини ўз зиммасига олади.

“Бу битим бизга қарзни тўлиқ узишга, пенсия мажбуриятларини анча камайтиришга имкон беради”, деб айтилган Tronc’да.

Битим 1-чорак охири ёки 2-чорак бошида ёпилиши керак. 

Бойлиги 8,6 млрд долларга баҳоланувчи тадбиркор Хуан Синьсян Tronc Inc. компаниясининг 26 фоиз акцияси эгаси ҳисобланади. Бу компанияга АҚШда машҳур бўлган яна бошқа нашрлар тегишли. Улар орасида Chicago Tribune, NY Daily News, The Baltimore Sun, Orlando Sentinel бор. 

Los Angeles Times газетаси 1881 йилда ташкил этилган. Бир қатор уюшмаларнинг баҳолашича, газетанинг адади охирги йилларда 450-650 минг нухсани ташкил қилади.