Тошкент ИИББ раҳбари бошқа лавозимга тайинланди

Тошкент шаҳар Ички ишлар бош бошқармаси бошлиғи Баҳодир Низамович Қурбонов лавозимини тарк этган.

«KUN.UZ» манбаси маълумот беришича, генерал-майор Баҳодир Қурбонов Тошкент ҳарбий округи қўшинлари қўмондони лавозимига тайинланган.

Президент Фармони билан Баҳодир Қурбоновга генерал-майор ҳарбий унвони берилди.

Маълумот учун, Тошкент ҳарбий округи тасарруфига Тошкент шаҳри, Тошкент ва Сирдарё вилоятларида жойлашган ҳарбий қисмлар киради.

Ҳозирча Тошкент ИИББнинг янги бошлиғи ким бўлгани маълум эмас.