Эркак ишдан чиққан газ тепкиси туфайли 70 километр масофани соатига 150 км тезликда босиб ўтди

Флоридада истиқомат қилувчи шахснинг айтишича, BMW X5’да соатига 150 километр тезликда бир неча ўнлаб километр йўлни босишга мажбур бўлди. Бунга газ тепкисининг ишдан чиққани сабаб бўлган. Ҳайдовчини фақат полиция тўхтата олди, деб хабар бермоқда Vero News.

Ҳодиса ҳафта бошида рўй берган. Маҳаллий 911 хизматига Жозеф Купер исмли шахс қўнғироқ қилиб, I-95 трассаси бўйлаб кетаётгани ва тўхтай олмаётганини хабар берди. Охир-оқибат полиция муаммони ҳал қилишга қарор қилди: ходимлар йўлга бир неча марта михли тўсиқни ташлашди. Илк уринишлардан сўнг машина тезликни бироз пасайтирди, бироқ якунда BMW тўхтатилди.