ASUS компанияси iPhone X'га жуда ўхшаш янги ZenFone 5 қурилмасини ишлаб чиқарди. Янги қурилма расман Барселонадаги MWC 2018 кўргазмасида намойиш этилади. Кўргазма 26 февралдан 1 мартгача фаолият кўрсатади.
iPhone X'га ўхшаш смартфон суратлари интернетда пайдо бўлди. Албатта, қурилмани Apple маҳсулотининг нусхаси деб бўлмайди, бироқ ташқи кўринишида ўхшашлик кўп.
Дастлабки маълумотларга кўра, ZenFone 5 (2018) саккиз ядроли Qualcomm Snapdragon 660 процессори билан таъминланган. У 4/6 Гб оператив ва 64 Гб флеш-хотирага эга. Қурилма Android 8.0 Oreo операцион тизим бошқаруви остида ишлайди.
