Чилонзорда Mercedes дарахтга келиб урилди, икки киши ҳалок бўлди

Тошкент шаҳрининг Чилонзор туманида 6 март куни соат 21.30ларда Тошкент вилояти Зангиота тумани Эшонгузар ҚФЙ Х.Ниғмон кўчасида яшовчи, 1995 йилда туғилган С.Н. бошқарувидаги  “Мерседес-бенц” русумли автомашинасини Бунёдкор шох кўчасида жойлашган “Автотеххизмат” биноси олдида ҳайдаб кетаётиб, бошқарувни эплай олмай йўл четидаги дарахтга урилган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси  хабар қилмоқда. 

Натижада автомашина йўловчилари О.А. ва Ж.Қ. жароҳат олиб, касалхонага келтирилганида вафот этган. Автомашина ҳайдовчиси С.Н.га касалхонада тиббий ёрдам кўрсатилган.