Муқаддам судланган шахслар автомашинани олиб қочди

Сирдарё вилоятининг Ховос туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 7 март куни соат 22.00ларда Гулбаҳор МФЙ Шаббода кўчаси 2/2-уйда яшовчи, муқаддам судланган, 1989 йилда туғилган Х.Ч. ва шу МФЙ Сайрам кўчаси 2/4-уйда яшовчи, муқаддам судланган, 1995 йилда туғилган А.Ғ.лар Шаббода кўчасида қаровсиз қолдирилган Ҳ.Э.га тегишли бўлган “Нексия” русумли автомашинани ҳайдаб қочганлар.

Кўрилган чоралар натижасида Х.Ч. ва А.Ғ. қўлга олинган.