Байден Трамп билан муштлашув ҳақидаги сўзларидан афсусланди

АҚШ собиқ вице-президенти Жо Байденнинг маълум қилишича, президент Дональд Трамп ҳақидаги сўзларидан афсусда. Бу ҳақда The Hill хабар бермоқда.

Аввалроқ Байден Трампни дўппослаш истагида эканини тан олганди. Шундан сўнг давлат раҳбари твиттердаги саҳифасида собиқ вице-президентни «тентак» деб атади ҳамда ўзи Байденни калтаклаш истагида эканини қўшимча қилиб ўтди.

«Мен бундай гапларни гапиришим керак эмасди. Бу ҳақда гап очишим ҳам шарт эмас эди, сабаби мен бу йигит бирга кўпчиликнинг эътибори марказида бўлишни хоҳламайман», - деди Байден.

Портал маълумотларига кўра, вице-президентга яқин манбаларнинг таъкидлашича, Байден Трампни провокация қилишни режалаштирмаган, шунчаки «ўзи билан ҳеч нарса қила олмаган».