Фото: Ўзбекистон мусулмонлари идораси
Фарғона вилоятида Ўзбекистон мусулмонлари идораси раиси, муфтий Усмонхон Алимов раҳбарлигида ўтказилган йиғилишда ташкилий масала кўрилди. Ўзбекистон мусулмонлари идорасининг Фарғона вилояти вакили, вилоят бош имом-хатиби Турсунтоҳир Эрбўтаев ўз хоҳишига кўра эгаллаб турган ушбу лавозимидан озод этилиб, Фарғона шаҳри “Уммул Қуро” жоме масжиди имом-хатиби вазифасида қолдирилди. Бу ҳақда Ўзбекистон мусулмонлари идораси Матбуот хизмати хабар берди.
Фарғона вилояти Марғилон шаҳри бош имом-хатиби Абдуллаев Убайдулло Ўзбекистон мусулмонлари идорасининг Фарғона вилояти вакили вазифасини вақтинча бажарувчи этиб тайинланди.
