2015 йилда Volkswagen автоконцерни “дизелгейт” деб аталган можаро марказида қолди – аниқланишича, компания бир неча йил давомида ўз машиналарининг зарарли моддалар чиқариш кўрсаткичларини дастурий таъминот ёрдамида атайлаб камайтириб келган. Бренд компенсация сифатида АҚШдаги мижозларидан 350 мингдан кўпроқ автомобилни сотиб олган ва бунга 7 млрд доллардан кўпроқ пул сарфлаган.
![](https://storage.kun.uz/source/uploads/20180104/images/032018/w/1.jpg)
2018 йил мартида Reuters ахборот агентлиги Volkswagen қайтариб олган автомобилларини сақлаш жойларида сақлаётганини аниқлаган. Бу жойларни том маънода “фольксвагенлар қабристони” деб аташ мумкин. Улардан энг йириги Калифорния чўлида, АҚШ ҳарбий-ҳаво кучларининг собиқ базасида жойлашган. Қолган “қабристонлар” Детройтдаги футбол майдонида ва Миннесотаддаги ташландиқ қоғоз фабрикасида жойлашган.
![](https://storage.kun.uz/source/uploads/20180104/images/032018/w/2.jpg)
Компания вакилларининг айтишича, барча машиналар соз ҳолатда ушлаб турилади. Компания машиналарнинг зарарли моддалар чиқариши камайтирилгандан кейин уларни савдога қайтаришга ёки экспорт қилишга умид қилмоқда.
![](https://storage.kun.uz/source/uploads/20180104/images/032018/w/3.jpg)
![](https://storage.kun.uz/source/uploads/20180104/images/032018/w/4.jpg)
![](https://storage.kun.uz/source/uploads/20180104/images/032018/w/5.jpg)