© Nick Potts/PA via AP
1 апрелга ўтар кечаси Уэльс маркази Кардифф шаҳридаги Principality Stadium аренасида WBA Super, IBO ва IBF камарларини бирлаштирувчи жанг ўтказилди. Унда ушбу камарлар соҳиби Энтони Жошуа WBO камари эгаси, янги зеландиялик Жозеф Паркер (24-0, 18 КО) билан муштлашди.
12 раундлик жанг якунида ҳакамлар ғалабани британиялик боксчига беришди 119:109, 118:110, 118:110.
Эндиликда 21 жангда 21 ғалаба қайд этган (20таси нокаут билан) Жошуа олмаган бир камар - WBC (Бутунжаҳон бокс кенгаши) камари қолмоқда, айни вақтда ушбу камар америкалик Деонтей Уайлдерга тегишли.
Шу билан бирга боксга қайтган россиялик Александр Поветкин WBA Super йўналиши бўйича жаҳон чемпионлиги унвони учун Жошуага мажбурий даъвогар ҳисобланади.
