Ироқда 6 нафар туркиялик аёл ўлим жазосига маҳкум қилинди

Фото: AFP 2018 / Ahmad Al-Rubaye

Ироқ жиноят суди 6 нафар туркиялик аёлни ИШИД террорчилик гуруҳи фаолиятига алоқадорлиги учун ўлим жазосига маҳкум қилди. Бу ҳақда “Ал-Арабия” телеканали маълум қилди.

Маълум қилинишича, яна 7 нафар туркиялик аёл ИШИДга ёрдам берганлари учун умрбод қамоқ жазоси олдилар.

2018 йил февраль охирида Ироқ марказий жиноят суди ИШИД жангариларига ёрдам бергани учун 16 нафар туркиялик аёлни ўлим жазосига маҳкум қилганди. Бироқ Туркия ҳукумати бу аёлларни қайтаришга уринмоқда.

Ироқ бош вазири Ҳайдар ал-Ободий 2017 йил декабрида ИШИДга қарши уруш ғалаба билан якунланганини эълон қилган. Ироқда ИШИДга алоқадорлик учун ўлим жазоси кўзда тутилган.