Каттақўрғон туманида 20 яшар босқинчи қўлга олинди

Самарқанд вилоятининг Каттақўрғон туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 13 апрель куни соат 01.30ларда номаълум шахс юзига мато ўраб таёқ билан қуролланиб, “Қилич” қишлоғида яшовчи, 1980 й.т. Ф.К.нинг уйига бостириб кириб, уни  ва икки нафар фарзандини қўрқитиб, Ф.К.га тан жароҳати етказиб, заргарлик буюмларини олиб воқеа жойидан яширинган. 

Кўрилган чоралар натижасида ушбу жиноятни Каттақўрғон тумани “Узунбўз” қишлоғида яшовчи, 1998 й.т. Ж.Н. содир этганлиги аниқланиб ушланган.